Leikskólinn okkar er kominn með merki. Þetta hefur lengi verið draumur okkar og var gerð áætlun um að vinna að merki fyrir Heilsuleikskólann Suðurvelli í vetur. Það var svo í haust að nokkur börn á Háabjalla unnu svo fallegt myndverk sem sýnir börn leiðast í hring í kringum gula sól. Þetta varð kveikjan að þessu fallega merki sem Sigrún deildarstjóri á Háabjalla setti upp og vann í tölvu. Ákveðið var að gildin okkar, virðing, umhyggja, samvinna og gleði hringist utan um börnin á myndinni. Við erum mjög ánægð með hvernig til hefur tekist. Þegar merkið var komið breyttum við viðmóti heimasíðunnar leikskólans og settum merkið þar við hliðina á myndinni af skólanum. Við vonum að notendur síðunnar verði jafn hrifnir af breytingunni og við erum.
